D'Radiosmass gëtt de 14. September aus der Hellig-Kräiz-Kiirirch va Stackem/Klierf am schéinen Éisléck iwwerdroen.
Op dësem Sonndig gëtt enger aler Traditioun no zu Stackem eng kleng Kirmes gefeiert, an déi ass mat enger aussergewéinlicher Zeremonie no der Mass verbonnen, nämlich enger Hingerstee zugonste van der Stackemer Kiirirch. Des apaart Stee ass eenzigartig am Land an dofir ass jiddereen häerzlich ageladen, mol eng Kéier op dëser spektakulärer Stee derbäi ze senn. Mee et wiir och flott, wann eis kleng, heemlich Kiirich dee Moien gutt gefëllt wiir mat Mënschen, déi gären enger Sonndesmass bäiwanen.
Et gëtt ee flotte Programm zesammegestallt. D'Mass gëtt gesanglich encadréiert vam Stackemer Chouer mat der Verstäerkung van de Kollegen aus dem vereenigte Chouer Béigen-Lëllgen-Stackem, musikalisch gëtt déi Mass vam Organist Luc Reff begleet. D'Direktioun hat dest Joer den Dirigent Tony Schaack iwwerholt an de Stackemer Organist Pierre Boever duäref mol eng Kéier am Chouer mat sangen.
Van dëser Plaz aus geet ewer och ee grousse Merci an den Här Paschtouer Michel Bock, deen ëmmer dofiir suärigt, datt zu Stackem all sonndes moies ëm 09 Auer eng Mass gefeiert ka ginn, grad sou wéi an den anneren Diärfer aus senger Porgemeinschaft, sief dat samsdes owes oder sonndes moies.
Suivéiert d'Mass hei am AUDIO-Live-Stream an am Replay.
De musikalische Programm vun der Mass
| Uergel: Entrée | Sonate in A | W.A. Mozart |
|---|---|---|
| Agangslidd | Erster Tiroler Bergmesse – Herr der Welten | Joachim Mayer |
| Kyrie | Messe zu Ehren des hl. Kreuzes | Pierre Boever |
| Gloria | Tiroler Bergmesse – Preis und Ehre Gott dem Herrn | Joachim Mayer |
| Zwischengesang | Tiroler Bergmesse – Fest wie die Berge steht dein Wort | Joachim Mayer |
| Alleluja | Alleluja | Jean-Paul Lecot |
| Credo | gëtt gebiet | |
| Gowelidd | Tiroler Bergmesse – Wir weihn der Erde Gaben | Joachim Mayer |
| Sanctus | Tiroler Bergmesse - Heilig, Heilig | Joachim Mayer |
| Anamnèse | Laudate Dominum: Jesus Christus | No. 270 |
| Vater unser | gëtt gebiet | |
| Agnus Dei | Tiroler Bergmesse – O Lamm Gottes | Joachim Mayer |
| Kommiounslidd | L'amour comme une flamme | Jo Akepsimas |
| Schlusslidd | Laudate Dominum: Heiliges Kreuz | No. 446 |
| Uergel: Sortie | Raeludium in E | Pachelbel |
Chouer: Béigen, Lëllgen, Stackem
Dirigent: Tony Schaack
Organist: Luc Reff