D'Sonndesmass gëtt de 26. Oktober aus der Porkierch vu Kéinzig iwwerdroen.
Wann de Gesank zu Kéinzig och schonns eng laang Traditioun huet, da krut en dach eréischt den 2. Dezember 1966 mat der Grënnung vun der Chorale Sainte-Cécile, deemools e Männerchouer, en offizielle Kader. De Chouer gouf ënnert dem deemolege Paschtouer an och éischte President Henri Treff gegrënnt.
Am Joer 1980, ënnert der Féierung vum Dirigent André Delvaux, gouf aus dem Männerchouer e gemëschte Chouer. Déi 15 Sänger kruten Ënnerstëtzung vun 20 Dammen. Haut zielt de Veräin 17 aktiv Sänger.
No der Demissioun vun hirem laangjäregen Dirigent André Delvaux (vun 1980 bis 1983 a vun 1989 bis 2010) huet hiren Organist Laurent Peters déi Aufgab och nach iwwerholl.
Niewent de kierchleche Feiere ginn och weltlech Concerte gesongen. Esou zum Beispill e Sonndeg, den 23. November um 17 Auer, zesumme mat der Harmonie Clemency am Kéinziger Festsall fir d'Cäciliefeier.
President ass de Marc Wolff, Caissière d'Vera Haas-Gelejinsky a Sekretär de Claude Wolff.
Suivéiert d'Mass hei am AUDIO-Live-Stream an am Replay.
De musikalische Programm vun der Mass
| Uergel: Entrée | Prélude en Fa Majeur | J.-S. Bach |
|---|---|---|
| Agangslidd | Cantate Domino | Abbé Belliard |
| Kyrie | Messe Chin Chayan | Jean-Marie Kolly |
| Gloria | Messe Chin Chayan | Jean-Marie Kolly |
| Alleluja | Alleluia Round | William Boyce |
| Credo | gëtt gebiet | |
| Gowelidd | Let us break bread | Negro Spiritual |
| Sanctus | Messe Chin Chayan | Jean-Marie Kolly |
| Anamnese | Christ est venu | Wackenheim |
| Vater unser | gëtt gebiet | |
| Agnus Dei | Messe Chin Chayan | Jean-Marie Kolly |
| Kommiounslidd | Trumpet Concerto en Mi b Maj., 2. Satz | J. Haydn |
| Schlusslidd | Die Himmel rühmen | L. v. Beethoven |
| Uergel: Sortie | Marche solennelle | F. Mendelssohn-Bartholdy |
Chouer: Chorale Sainte-Cécile Clemency
Dirigent: Laurent Peters
Organist: Jean-Claude Thilges