Um 4. Advent, den 20. Dezember, gëtt d'Sonndesmass um 9.00 Auer aus der Kierch vu Mertert iwwerdroen. D'Chorale Mixte Sainte Cécile Mertert séngt ënnert der Leedung vum Albena Petrovic, op der Uergel begleet den Emile Hau.
Den 20. Dezember gëtt d'Sonndesmass um 9.00 Auer aus der Kierch vu Mertert iwwerdroen. D'Chorale Mixte Sainte Cécile Mertert séngt ënnert der Leedung vum Albena Petrovic, op der Uergel begleet den Emile Hau.
D'Chorale Mixte Sainte Cécile Mertert besteet säit 1970, deemools aus enger Fusioun vum Gesangveräin Cäcilia an dem Kierchechouer. Vun deem Dag u sange mer kierchlech a weltlech, mat vill Spaass an Engagement.
Och bei onsem Gesangveräin mécht sech den demographesche Wandel bemierkbar. Mir kënnen dofir an der Chorale Mixte Mäertert nei Sängerinnen a Sänger mat Spaass um Gesank gutt gebrauchen. Noutekenntnisser sinn net onbedéngt erfuerdert.
Sangen…
…mécht Freed a Frënn, entspaant, inspiréiert, verbënnt, beweegt, mécht fräi…
…ass emotional, lëschteg, groussaarteg, schéin…
D'Sängerinnen an d'Sänger an der Chorale Mertert sinn zwësche 25 a 85 Joer jonk a freeë sech ëmmer iwwer nei Memberen. Kuckt emol einfach bei ons eran a sangt mat! Mëttwochs vun 20.00 bis 22.00 Auer prouwe mir an onsem Sall am Centre Culturel zu Mertert nieft der Kierch.
Suivéiert d'Mass hei am AUDIO-Live-Stream an am Replay.
De musikalische Programm vun der Mass
| Uergel: Entrée | Rorate coeli super | Emile Hau |
|---|---|---|
| Agangslidd | Peuples qui marchez | J. Akepsimas |
| Kyrie | Kyrie eleison | arr. A. Petrovic |
| Zwëschegesank | Rorate coeli de super | John Wies |
| Credo | gëtt gebiet | |
| Gowelidd | Ave Maria, si j'avais du clocher | arr. J.-P. Schmit |
| Sanctus | Saint, saint, le Seigneur | arr. A. Petrovic |
| Anamnèse | Geheimnis vum Glawen | R. Ponchelet |
| Vater unser | Eise Papp am Himmel | Marcel Weis |
| Agnus Dei | La Paix | arr. A. Petrovic |
| Kommiounslidd | À l'image de ton amour | J.-P. Lecot |
| Schlusslidd | Joy to the world | G.F. Haendel, arr. L. Mason |
| Uergel: Sortie | Ehre sei Gott – Choralfantaisie | L. Schippers |
Chouer: Chorale Mixte Sainte Cécile Mertert
Dirigentin: Albena Petrovic
Organist: Emile Hau
Solistin (Ave Maria): Conny Gillen