13 Wéi de Jesus an d'Géigend vun Cäsarea Philippi koum,
huet hien seng Jünger gefrot:
„Fir wien halen d'Leit de Mënschejong?“
14 Si soten: "Déi eng fir de Johannes den Deefer,
anerer fir den Elias,
nees anerer fir de Jeremias oder soss ee vun de Prophéiten."
15 Hie sot zu hinnen: "An dir,
fir wien haalt dir mech?"
16 De Simon Péitrus huet geäntwert:
"Du bass de Christus,
de Jong vum liewege Gott!"
17 Dueropshi sot de Jesus zu him:
"Glécklech bass du, Simon, Jong vum Jonas,
well net Fleesch a Blutt hunn dir dëst geoffenbaart,
ma mäi Papp am Himmel.
18 An ech soen dir:
Du bass de Péitrus,
an op dëse Fiels bauen ech meng Kierch,
an d'Paarte vun der Ënnerwelt ginn se net Meeschter!
19 Ech ginn dir d'Schlëssele vum Himmelräich;
dat, wat s du op der Äerd matenee verbënns,
ass och am Himmel matenee verbonnen,
an dat, wat s du op der Äerd vunenee lassléis,
ass och am Himmel vunenee lassgeléist."
