D'Chorale Schuttrange – Schëtter Gesank ass am Joer 1833 als Männerchouer gegrënnt ginn. Honnert Joer méi spéit, am Joer 1963, ass aus dem Männerchouer e gemëschte Chouer ginn. An deenen iwwert 150 Joer hat d'Chorale véierzeng Presidenten, awer nëmme véier Dirigenten. Ënnert hinne sief besonnesch den Henri Rodesch genannt, deen de Chouer 47 Joer laang gefouert huet. Haut besteet d'Chorale aus 24 aktive Memberen. Dirigentin ass d'Marianne Hengel.
Mat eisem Gesank verschéinere mir souwuel weltlech wéi och kierchlech Fester. Wa mir och haaptsächlech e weltleche Chouer sinn, sou triede mir awer och gäre bei kierchleche Fester a Feieren an der Schëtter Péiterskierch op. Fir dass mir nach laang kënnen esou sange wéi bis elo, brauche mir nei Sängerinnen a Sänger. Wéi vill aner Veräiner brauch och de Schëtter Gesank Verstäerkung an den eenzelne Stëmmen (Sopran, Alt, Tenor, Bass) fir dozou bäizedroen, d'Gesangskultur aktiv ze stäerken zur Freed vun alle Bierger.
D'Prouwen, ënner der Direktioun vun der Madame Marianne Hengel, fannen am Proufsall op 167, rue Principale zu L-5366 Munsbach all Freideg vun 20.00 bis 22.00 Auer statt! D'Kontaktadresse sinn: Guy Jourdain, President: Tel.: 621-140775 , E-mail: guy.jourdain12 chez gmail.com a Michèle Nuss, Sekretärin: E-mail: michelenuss chez web.de
Suivéiert d'Mass hei e Sonnden als AUDIO-Live-Stream an d'ganz Woch iwwer am Replay.
De musikalische Programm vun der Mass
| Uergel: Entrée | Prélude | |
|---|---|---|
| Agangslidd | Lobsinget Gott dem Herrn | C. Saint Saëns |
| Kyrie | Missa in G-Dur | Giovanni Battista Casali |
| Gloria | Gloire à Dieu | |
| Zwëschegesank | My Lord, what a morning | R. Nathaniel Dett |
| Alleluja | Alleluja | |
| Credo | gëtt gebiet | |
| Gowelidd | Du gabst, o Herr, mir Sein und Leben | F. Schubert |
| Sanctus, Benedictus | Missa in G-Dur | Giovanni Battista Casali |
| Anamnèse | Christ est venu | Wackenheim |
| Vater unser | Father in Heaven | Charles G. Ames |
| Agnus Dei | Missa in G-Dur | Giovanni Battista Casali |
| Kommiounslidd | Ave Verum | W. A. Mozart |
| Schlusslidd | O Mamm léiw Mamm | |
| Uergel: Sortie | Fugue Finale |
Chouer: Schëtter Gesank
Direktioun: Marianne Hengel
Organist: Daniel Lang